Авва Евагриј (pdf)

Авва Евагриј

Добротољубие (том 1)

Поуки за подвижништвото од монахот Евагриј

6. Други изреки

1. Почетокот на љубовта, тоа е заемното почитување и доброто мислење еден за друг и претпоставување дека другиот има и други добри својства.

2. Убаво е кога се збогатуваме со кротоста и љубовта.

3. Гордата помисла е веење на добродетелите.

4. Патот се израмнува од милостињата.

5. Нечистата совест е несправедлив судија.

6. Срамно е да им робуваме на телесните страсти.

7. Ако сакаш да бидеш без жалост, труди се да Му угодуваш на Бога.

8. Кој се грижи добо за себе си, за него и Бог се грижи.

9. Целомудреното срце е пристаниште на соѕерцанијата.

10. Ако сакаш да дознаеш кој си, не испитувај каков си бил, туку каков си бил создаден.

11. Суетната душа е како безводна јама.

12. Горделивата душа е пештера разбојничка, таа не го поднесува гласот на знаењето.

13. Лошата заблуда на вистинскиот маж е непознавањето на Светото писмо.

14. Да имаш страв Божји, познај го ова по плачот и солзите.

15. Смирението на душата е непобедливо оружје.

16. Добродетелниот човек е рајско дрво.

17. Господ Исус Христос е дрвото на животот. Ползувај се со него, како што треба, и нема да умреш довека.

18. Прави им добро на сиромасите, и ќе Го вкусиш Христа.

19. Јадењето на Христовото Тело е вистинска сила.

20. Ако Го љубиш Христа, не заборавај да ги извршуваш Неговите заповеди.

21. Зашто од ова се познава, кој, после Бога, е извршител на доброто.

22. Пријателот по Бога, источува мед и млеко во своите зборови.

23. Мрзливата и немарливата душа нема да има ваков пријател.

24. Помислата на славољубивиот е жесток деспот.

25. Да ја премолчуваме вистината, значи да го закопуваме златото во земја.

26. Оној што има страв Божји сѐ што прави го прави според Божјата волја.

Авва Евагриј