Свети Максим Исповедник

 

Еве, освен Словото за подвижничкиот живот, ти го испраќам на твоето преподобие, оче Елпидие, и Словото за љубовта во четиристотини глави, според бројот на Евангелијата, коишто можеби, нема да им одговараат на твоите очекувања; но тие не се плод на моите сили. Впрочем, твојата светост треба да знае, дека и ова што е напишано не е плод на мојот ум. Но, откако прочитав некои списи на светите оци и насобрав оттаму што е во врска со мојот предмет, и во вид на изреки или глави, сместив многу содржина во малку зборови, за подобро да се запамети и да се разбере. Ова му го испраќам на твоето преподобие, молејќи те да го читаш со прибрана мисла и да најдеш полза во него, без да бараш убавина во зборовите. Моли се за мене недостојниот, кој немам никаков духовен плод. Исто така, те молам, да настојуваш да не ти биде тешко ова што ти го напишав: да не мислиш дека ти ја оптоварувам твојата совест; јас само ја извршувам заповедта на послушанието. Ова го говорам затоа што денес не има многумина коишто подучуваме со зборови и им ја оптоваруваме совеста со нашите поучни зборови, а малкумина се оние што учат со своите дела и оние што се учат од нивните дела.

Потруди се што повнимателно да се вдлабочуваш во секоја глава. Јас мислам дека не е се лесно за разбирање за секого; иако е се сосема едноставно искажано, сепак е потребно размислување за она што се чита. И можеби, она што ќе биде откриено на тој начин, ќе биде корисно за душата. Но, се разбира, со силата на Божјата благодат ќе се покаже дали некој чита со љубопитство или со страв Божји и со љубов. И секој човек што оваа или некоја друга книга ќе почне да ја чита не за духовна корист, туку со желба да пронајде нешто од напишаното што може да го прекори, а со тоа да покаже дека знае подобро, тој никогаш, ништо корисно нема да открие во нив.

Свети Максим Исповедник